CRÓNICA 6ª XORNADA NOROESTE A LARACHA


INSOPAL  (Innovador Sistema de Soporte da pancarta LNB). 
       A Conferencia Noroeste segue na vangarda I+D+I. Desenvolvendo un proxecto tecnolóxico iniciado no Play Off 2017, acaban de conseguir a patente dun novo sistema para suxeitar o Logo da LNB sen necesidade de medios materiais. "Onde estea un bo recurso humano que se aparten paredes ou vallados", afirmaba Xulio Ponte. Vemos na foto a Juan Carlos, pola esquerda, Julio Vilas, polo centro e Enrique, pola dereita, pois finalmente houbo que poñer a alguén neste lugar diestro, aínda que os primeiros borradores do proxecto establecían que o artiluxio non podía ter soporte pola dereita, só polo centro e esquerda. Agora, só esperan que a LNB acepte a implantación do INSOPAL no Play Off 2018.

      A xornada 6ª xogada na Laracha volve a poñer a cada palanador e palanadora no seu sitio. 

CATEGORIA ABSOLUTAdo EQUIPO
COLLAZOCAMPO DA FEIRAPAIOSACO
OSCAR PONTECAMPO DA FEIRAPAIOSACO
EDU CAMPO DA FEIRAPAIOSACO
CATEGORÍA FEMININAdo EQUIPO
MERCHEAPB SANTA MARTAA LARACHA
MARIÑAMALPICAMALPICA
AURELIACAMPO DA FEIRAPAIOSACO
CATEGORÍA INFANTILdo EQUIPO
ABELCAMPO DA FEIRAPAIOSACO
MARCCAMPO DA FEIRAPAIOSACO
FELIXCAMPO DA FEIRAPAIOSACO
CATEGORÍA EQUIPOSdo EQUIPO
CAMPO DA FEIRAPAIOSACO
APB SANTA MARTAA LARACHA
MALPICAMALPICA


PODIO 





      De novo, impúxose Collazo, nunha final a tres de gran nivel, pois estiveron o primeiro da xeral, Collazo, o segundo da xeral, Edu, e Oscar Ponte, que levaba dúas xornadas ganadas. O cemento do aparcadoiro da biblioteca da Laracha non dou opcións a Edu, quen non puntuou nas dúas primeiras carreiras desta final. Oscar mantívose en cabeza ao final da segunda carreira e a falta de terceira e definitiva carreira tiña na súa man a vitoria. Collazo empezou demoledor e na primeira carreira fixo un varado con ese antebrazo de diamante. Pero, na segunda non puntuou. Daquela, todo quedaba para a última carreira, na que a presión, o asfalto, o sol e, sobre todo, a proximidade de tanto libro con final predicible, fixo que o bolchevique de Paiosaco, excelente coñecedor da doutrina markxista, encontrara a novela axeitada antes que os seus dous compañeiros de equipo e rivais nesta final. Na categoría feminina, ganou Merche por diante de Mariña e Aurelia. Esta categoría estase consolidando cunha participación media de 6 mulleres, algo que non sucedera antes nesta conferencia. Igual está sucedendo na categoría infantil que cunha media de 5 está consolidando un grupo de nenos e nenas que serán o futuro do Noroeste. Ganou Abel, por diante de Marc e de Félix, nun desempate moi emocionante, pois os tres conseguiron 11 ptos na fase de grupos. 

COLLAZO (Campo da Feira-Paiosaco)
MERCHE (APB Santa Marta- A Laracha)

   

MARIÑA (Malpica)

JUAN CARLOS (Campo da Feira- Paiosaco)

DILAN (APB Santa Marta- A Laracha)

EDU (Campo da Feira- Paiosaco)

LOIS FONTÁN (Decano da Noroeste) Filloas de Sangue- A Coruña




        A clasificación individual absoluta segue encabezada por CollazoEdu está segundo a 34 ptos do líder, polo tanto, cremos que o obxectivo do deportivista vai ser manter o posto de podio, xa que, Lito, unha das agradables sorpresas desta temporada, situouse a 10 ptos del. GándaraRoi Andrade chegaron aos 90 ptos e tamén ameazan o podio. CarlosXulioDilan Juan Carlos están en prazas de Play Off, mais están tan preto dos seus perseguidores, que deberán defendelas con madeira e pulso. ApóstoloOscar PonteViqueira Berdillo de seguro van ter xornadas para entrar nese lugar tan desexado. 




     Na categoría de equipos, cada xornada o buraco entre os dous primeiros clasificados, Campo da Feira e APB Santa Marta, e o resto dos equipos faise máis grande. Apenas, Filloas de Sangue conseguen ter 46 puntos de media por xornada, cando os dous grandes están en 77 e 57 respectivamente. 39 de media ten Malpica e 27 Cochiqueiros. Ou sexa, coas estatísticas na man o que podemos concluír é que segundo pasen as xornadas a distancia aumentará entre os dous equipos en praza Play Off  e oo outros. 



PREVIA DA 6ª XORNADA LNB NOROESTE





       O domingo dispútase a 6ª xornada na Conferencia Noroeste. Será na Laracha, concello referencia da Conferencia, igual que nos seus inicios foi A Coruña e despois Cerceda. Na actualidade, Este concello da comarca de Bergantiños ten a maior densidade de palanador@s por quilómetro cadrado da Provincia da Coruña. 
           Adentrándonos un pouco na historia da Conferencia Noroeste, diremos que sempre foi o lugar máis visitado por palanadores e palanadoras doutras Conferencias. Así, entre @s participant@s de cada xornada encontrábanse xogador@s que pertencían a outras Conferencias LNB. A media de participación desde o 2010-2011 supera os 20 xogador@s, pero cando facemos os números sen contar a es@s xogador@s que pertencían a outras Conferencias a media non supera os 20. A competición Noroeste pasou por dúas crises moi profundas de participación que fixo pensar na súa desaparición. Así, na temporada 2013-2014 houbo unha media, sen contar as persoas doutras Conferencias, de 10 xogador@s por xornada e na 2015-2016 a media foi de 12. 
       Non obstante, a afouteza da xente Noroeste é lexendaria, e con tal atributo conseguiron que a billarda se escoite no Atlantico. A recuperación xa se notou na temporada pasada, cando a media chegou a 26, contando só xogador@s da propia Conferencia. Esta temporada os números están por enriba dos 30, algo impensable ao comezo deste ano competitivo. Polo tanto, interpretando os gráficos dos últimos 8 anos, podemos dicir que esta Conferencia, que foi lugar turístico para billardeir@s doutras latitudes, está consolidando un alcouve de palanador@ indíxenas que garantirá o futuro da LNB. Ese obxectivo de chegar aos 50 participantes semella máis preto. 



       Cos números de participación actuais, as prazas para o Play Off serían 10. Daquela, a loita para certificar o dereito a competir pola Coroza 2018 está moi aberta. Tanto que, excepto Collazo, os demais deberán aproveitar ata a última xornada para acumular puntos, e este ano son 15 xornadas en lugar de 12. Haberá que encontrar a regularidade. Ollo que xogadores de prestixio contrastado están fóra destes postos, poñemos por caso a Apóstolo, Berdillo, Viqueira e Oscar Ponte. 



     


  A clasificación de equipo só ten dúas cores, a branca de Paiosaco e a Vermella da Laracha. Pouco poden facer Filloas de Sangue e Malpica, e xa non digamos Cochiqueiros, xa que estes equipos teñen un déficit de xogadores e xogadoras que nos lles permite competir de igual a igual contra os dous dragóns da Conferencia. As secretarías técnicas destes enormes equipos acertaron coa política de formación. A día de hoxe, as súas canteiras de palanador@s están entre as mellores da LNB. 










LNB Evidencia dos números





       O 16 de outubro de 2005 ás 16 horas, no campo da festa de Santo Adrao (Lourenzá-Lugo), empezou esta aventura chamada LNB. 12 anos despois a LNB conseguiu organizar 492 xornadas de liga. Lembramos estes números porque o día 9 de decembro en Salcedo-Pontevedra a Conferencia máis nova da LNB vai estar de aniversario, xa que, celebrará a súa xornada 100. Será a terceira Conferencia en chegar a este número. 
       Sabemos a complexidade que ten organizar calquera actividade en grupo e máis se falamos de realizala en lugares xeográficos distantes. Polo tanto, queremos felicitar á Conferencia Rías Baixas polo seu próximo centenariado e á Conferencia Norleste polos seus 130 días de gozo billardeiro, á Conferencia Noroeste polos 115. Estes parabéns estendémolos ás demais Conferencias que en algún momento da historia de LNB organizaron xornadas, como son a Conferencia Sur, a Conferencia Centro, a Conferencia Andalucía e a Conferencia Bezouqueira. 
       Homes e mulleres que vos xuntades para practicar actividade física, utilizando como ferramentas deportivas saudables o palán, a billarda e o varal, billarda sempre!! Adiante co varal!!

    

FIN DE SEMANA

XI COPA CANTÁBRICA
Piedras Blancas-Castrillón
Asturies






7ª XORNADA CONFERENCIA RÍAS BAIXAS
Castrelo-Cambados



Crónica fin de semana 5ª xor. NORLESTE e 5ª xor. NOROESTE

       Durante as xornadas LNB gardouse un minuto de silencio polo pasamento de Xosé Salgado Agrelo (Xosé da Flor), un compañeiro de Meira, que xogou durante varios anos na Conferencia Norleste e que nos deixou prematuramente.

XOSÉ SALGADO AGRELO
    Para quen non o coñecera aquí quedan as súas palabras. É o primeio que escribiu no seu blog, aló polo 2013.
      " Nunca estiven de acordo en que meterse onde non te chaman fose malo. Ao contrario, as accións rompedoras, que marcaron a diferenza ou que cambiaron algo sempre estiveron protagonizadas por homes e mulleres que se meteron onde non os chamaban, porque pensaban que outra cousa era posible. No fondo, este blogue vai ser iso. Unha oportunidade para meterme onde non me chaman escribindo sobre libros, sobre soños ou sobre o tempo. Porque, coma Borges, eu tamén escribo para min, para os meus amigos e para atenuar o paso do tempo". (8 xuño 2013. ondenonmechaman.blogspot.com (Xosé Salgado Agrelo).

Conferencia Norleste



Conferencia Noroeste





CONFERENCIA NORLESTE 
5ª XORNADA 
San Miguel de Reinante (BARREIROS)



PARTICIPACIÓN
47
MULLERES 7
HOMES 40


       A xornada disputouse no campo de fútbol do Celta Barreiros. A herba das Valgas foi inmisericorde cos máis necesitados de puntos e o intenso vento, pola súa parte, non permitiu ver tantos grandes golpes coma noutras xornadas. Pero, o que si conseguíu a herba de Reinante foi axustar a clasificación de equipos. Agora, Carabullo está a tan só 8 ptos do intocable equipo de Ribadeo, Billardeiros Musicais. 35 xornadas ininterrumpidas son as que leva o equipo ribadense no primeiro posto (dese 2014), e os astros ou os deuses queren que para a seguinte xornada, Carabullo teña a oportunidade de romper esa xeira incrible. Sería curioso que fose na Mariña, onde se acabase este récord estratosférico. De todos os xeitos, os músicos van facer todo o posible para que a música continúe. Chaínzos e Troitas obtiveron boas puntuacións. O que sucede e que para non perder o ronsel dos dous grandes terían que estar por enriba dos 75 ptos por xornada, e non sabemos se serán quen de manter estes número e non distanciarse moito nas próximas xornadas. Despois destes catro grandes equipos, vén a zona media, que ocupan Remourelle e Billarda Verde. O histórico Bulls de Remourelle encabeza esta segunda parte da clasificación, xa que non pode aspirar a acercarse ao podio, polo menos esta temporada. Deben buscar talentos nas escolas ou acudir aos créditos bancarios para fichar figuras xa consagradas. O equipo de Castroverde ten un déficit importante de xogador@s o que limita moito as súas prestacións. Esta temporada, moito nos tememos que a billarda de ferro irá para Pol. Coa marcha de Alvariño o equipo quedou sen norte, sen referente, sen rumbo, e non son capaces de sustituílo.






       En canto á clasificación individual, o Bicampión de Conferencia Charli, que ten un idilio coa herba, volveu ganar, e xa van dúas xornadas consecutivas. Deste xeito, eleva a 7 puntos a distancia sobre o segundo, Manu Pozo. Estes dous palanadores son os únicos que teñen unha media de 20 puntos ou máis por xornada, algo ao alcance de xogadores de CLASE SUPREMA. Daniel xa está no terceiro chanzo do podio. Por detrás hai 4 palanadores empatados, Sachas, Markytos, Regueiro e Rubén. Así, desde o segundo posto ao sétimo hai 6 puntos nada máis. Despois, aparecen palanadores que aínda non se separaron das posibilidades de podio final, como Pepe Outeiro, Cortón e Santi. Por enriba dos 70 puntos e en prazas de Play Off están Suso Coedo, Iván Alonso, David Navallo e Jorge. Podemos considerar que o Campión 2018 está entre aqueles palanadores que superan os 80 ptos actualmente, pois sería algo excepcional que alguén puidese remontar más de 20 ptos. Daquela, Charli volve ser o claro favorito, sen esquecer aos Billardeiros Musicais, Manu Pozo, Daniel e Markytos. Para saber se Sachas, Regueiro e Rubén poden estar entre os elixidos para loitar ata o final polo título deberemos esperar un par de xornadas, pois son xogadores con menos palmarés que os anteriores. Os demais deberán defender as prazas de Play Off. 




CONFERENCIA NOROESTE
5ª XORNADA
Boado (CULLEREDO)


CATEGORIA ABSOLUTAdo EQUIPO
COLLAZOCAMPO DA FEIRAPAIOSACO
JUAN CARLOSCAMPO DA FEIRAPAIOSACO
XULIOCAMPO DA FEIRAPAIOSACO
CATEGORÍA FEMININAdo EQUIPO
MERCHEAPB SANTA MARTAA LARACHA
MARIÑAMALPICAMALPICA
AURELIACAMPO DA FEIRAPAIOSACO
CATEGORÍA INFANTILdo EQUIPO
MARCCAMPO DA FEIRAPAIOSACO
ABELCAMPO DA FEIRAPAIOSACO
MIGUELCAMPO DA FEIRAPAIOSACO
CATEGORÍA EQUIPOSdo EQUIPO
CAMPO DA FEIRAPAIOSACO
APB SANTA MARTAA LARACHA
FILLOAS DE SANGUEA CORUÑA


PARTICIPACIÓN
31
MULLERES 5
HOMES 26
       
       A participación na Conferencia Noroeste consolídase por enriba dos 30 participantes, algo magnífico para a LNB. O dominino de Campo da Feira é incuestionable e só APB pode acercarse aos números do equipo de Paiosaco, en xornadas contadas. Ademais, Filloas de Sangue xa se instala definitivamente na terceira posición sen opcións de alcanzar ao equipo da Laracha. Incluso o equipo de Malpica, que se creou este ano, podería disputarlle ese terceiro posto final se os da Coruña baixan o rendemento. O histórico Cochiqueiros está sobrevivindo que non é pouco. As esperanzas do equipo de Cerceda están postas en Oscar García, un neno de categoría infantil, pero dunha destreza fantástica.  




       Collazo ganou a xornada e non fixo máis que certificar que o seu gran obxectivo desta temporada é levar por vez primeira a Coroza para territorio Noroeste. A competición local semella que lle queda pequena, algo que confirman os números. Avantaxa en 31 ptos ao segundo e en 41 ao terceiro clasificado. Isto significa que aínda que falte a unha xornada non o alcanzarían. Edu mantén o tipo e conserva o segundo posto con bastante folgura. Gándara cerra o podio a 10 puntos de Edu e empatado a puntos con Lito, a gran sorpresa desta temporada. Roi, Andrade, Xulio e Juan Carlos están por enriba dos 70 puntos e son candidatos ao podio, tamén. Despois, si que comeza a loita polas prazas de Play Off. Carlos e Dilan deberán defender os seus postos.     






ANÁLISE XORNADAS FIN DE SEMANA NORLESTE NOROESTE






      Chega a quinta tirada da Conferencia Mai e a clasificación de equipos está a un paso do sorpaso definitivo. Sería unha noticia de alcance mundial que Billardeiros Musicais abandonasen un posto que ocupan ininterrumpidamente desde o 25 de outubro de 2014, cando na Pontenova, o actual Chaínzos-Cadaval, daquela chamado O Cadaval, os superara na clasificación. Na seguinte xornada o equipo de Ribadeo alconzou o primeiro posto e rematou a temporada 2014-2015 no máis alto do podio. Nas dúas seguintes temporadas estivo desde a primeira xornada ata a derradeira no primeiro posto. Para encontrar unha fazaña deste tipo debemos achegarnos ao Balonmán, onde o equipo do Barcelona domina de maneira absoluta desde hai varias temporadas.
       Son xa 34 xornadas consecutivas encabezando a conferencia. Será en terra de Barreiros, onde a tribo da Terra Chá venza á da Mariña? Non o van ter doado! Xa que, nas dúas xornadas que non ganou Billardeiros a distancia que lle sacaron os equipos vencedores, Carabullo e Chaínzos, foi de 5 e 7 puntos respectivamente. Daquela, sería unha proeza que os de Ponte de Outeiro conseguiran unha vantaxe de máis de 12 puntos sobre @s de Ribadeo, ou que Chaínzos os superasen en máis de 17. E xa sería unha miragre mariana que Troitas Bravas superase aos tres equipos anteriores en trinta puntos. De todos os xeitos, a emoción xa está aquí para quedarse na Mai das Conferencias. Os equipos reforzáronse para retar ao equipo TRICAMPIÓN NACIONAL e OCTACAMPIÓN de CONFERENCIA. 






         Para o Título de Conferencia Individual, as cousas están como a temporada pasada. Loita entre Billardeiros Musicais, cos seus tres tenores Manu Pozo, Daniel (CAMPIÓN NACIONAL e BICAMPIÓN de CONFERENCIA) e Markytos (TRICAMPIÓN NACIONAL e TRICAMPIÓN de CONFERENCIA), e Charly de Carabullo, BICAMPIÓN de CONFERENCIA. En definitiva, do máis selecto da LNB. O que se sae do guión inicial é a presenza de dous Troitas Bravas, Sachas e Regueiro, a un pasiño do primeiro posto. Esta temporada Sachas está demostrando o potencial que ten con resultados exitosos. 
       Regueiro é un dos referentes da Comarca da Pontenova e un eterno candidato ao título que por non acudir a todas as xornadas nunca tivo opcións de título.  Pero, se analizamos os resultados da temporada pasada, Regueiro quedou a 36 ptos do campión, Charly, faltando a dúas xornadas. Isto dinos que desperdiciou unha grande oportunidade, pois se nas dúas xornadas fixese os puntos que fixo de media nas outras 9 sería campión. Despois está o trío de Chaínzos, Rubén, Cortón e Pepe Outeiro que estarán cerca do podio ata o final, tendo en conta que son xogadores Top. 







        A Conferencia Noroeste ten un único e claro candidato ao título que é Campo da Feira. O equipo de Paiosaco domina tanto polo talento dos seus palanadores como por ter un cadro de xogadores moi numeroso. O Centro de Alto Rendemento e Tecnificación da Billarda de Paiosaco está dando os seus froitos. O outro equipo que pode disputarlle o triunfo en algunha xornada é APB Santa Marta, que ten un equipo con novos valores e estas promesas precisan tempo e adestramento para algún día loitar de igual a igual cos do Campo. Filloas mantén o tipo cun equipo moi veterano e necesitado de frescura, mais con xeitos suficientes para asustar aos máis mozos. Malpica está debutando esta temporada e estao facendo moi ben. Cochiqueiros segue coas dificultades normais da falta de xogador@s. 





       Collazo continúa o camiño que o levará a subir ao máis alto chanzo do podio. Semella que esta competición quedóuselle pequena e xa planifica o asalto á Coroza 2018. Mentres soña con ese 27 de maio de 2018 continúa mandando con brazo firme. Edu é a gran sorpresa desta temporada, pois está segundo. Todos e todas se preguntan se aguantará no podio, lugar que nunca estivo cerca de alcanzar en temporadas anteriores. El afirma que desde que segue a Dieta PAIOSAQUINA (baseada na Papaia e no equino) está nun estado de forma formidable. Roi e Dilan de APB son unha das alternativas ao dominio dos palanadores de Campo da Feira, pois xuntan xuventude e motivación. Viqueira sempre está entre os mellores e Gándara é pura intuición golpeando. Carlos, Xulio, Oscar Ponte e Juan Carlos completan o sexteto da Feira que este ano si poderá ter posibilidades na categoría de Equipos do Play Off. Lito de Malpica é un novo palanador que desde o seu comezo, a temporada pasada, xa mostrou destreza e forza para golpear a billarda. O seu futuro é moi prometedor. Berdillo, seguro que subirá postos e estará competindo por entrar nas prazas de Play Off. 

EQUIPOS LNB




      










  
       Xa se disputaron 14 xornadas LNB (6 Rías Baixas, 4 Norleste, 4 Noroeste) e podemos dicir que ademais do mérito para aqueles equipos que encabezan as clasificacións, tamén debemos valorar o que están conseguindo algúns equipos en canto a integrar e formar xogadores e xogadoras para a LNB. 
    Deste xeito, cos números sacados das actas das 14 xornadas de LNB, afirmamos que Gharaboto é o equipo que máis xogador@s presentou de media en cada xornada, cun total de 17. Despois estaría Valpaços Terra Quente con 16, Campo da Feira con 14 e Troitas Bravas con 12. Outros dous equipos chegan á decena de participantes por xornada, son Chaínzos-Cadaval e Armadiña. Sabemos o complexo que é conseguir novos practicantes e o complicado que é asistir a todas as xornadas de liga, polo tanto, salientamos a actuación de todos os equipos LNB, pois sen o seu esforzo e dedicación esta aventura marabillosa non sería posible. 
       Algúns equipos, como vemos nas gráficas, están por debaixo de 4 xogador@s por xornada, polo tanto teñen dificultades, mais non abandonan ante o reto de manter viva a billarda nos seus concellos e comarcas. As terras de Lourenzá, Pol, Cerceda e Meaño teñen que seguir oíndo a voz da madeira que non é senón a voz dos nosos montes. Daquela, seguiremos "adiante co varal". Billarda sempre!