Xogadas dúas xornadas, as clasificacións están igualadas como nunca antes. En 18 ptos catro equipos, na Categoría de Equipos. En menos de 10 ptos 12 xogadores, na Categoría Individual Absoluta. O certo é que nestes primeiros postos xa están os grandes favoritos. Así, na loita polo Título de Equipos están os tres grandes da categoría e incorpórase, veremos por canto tempo, Troitas Bravas, que como local presentou unha aliñación (17 xogador@s) que só dous equipos en toda a LNB poden superar a día de hoxe: VALPAÇOS TERRA QUENTE (Vigo) e GHARABOTO (Marín).
 |
| TROITAS BRAVAS (A Pontenova) |
Na carreira polo título de Conferencia, en canto á Categoría Absoluta, tamén, podemos dicir que están os que se esperaba que estivesen. Quizais, a presenza de Sachas como líder e a de Cortón entre os mellores, é o máis inesperado, considerando que o ano pasado acabaron fóra das prazas de Play Off. Mais, se temos en conta a progresión e potencial de ditos palanadores a ninguén lle estraña que estean aí. En definitiva, 4 de billardeiros, 3 de Carabullo, 3 de Chaínzos e 2 de Troitas Bravas correrán para alcanzar a meta de Remourelle, aló por maio.
Ningún comentario:
Publicar un comentario